Këngëtarja e njohur Angus Dei ka publikuar krijimin e saj më të ri muzikor në gjuhën angleze, të titulluar “SMS OF LOVE”.
Kënga vjen në stilin R’n’B, e shoqëruar me një interpretim emocional dhe vokal të butë, që përcjell ndjenjat e një historie dashurie të ndërprerë dhe dhimbjen e një largimi të detyruar nga gjithçka që ka qenë e rëndësishme në jetë.
Projekti muzikor është realizuar nga The SuperStudios, ndërsa muzika, teksti, miksimi dhe aranzhimi mbajnë firmën e Erjon Zaloshjnës. Videoklipi i këngës është realizuar nga vetë Angus Dei.
“SMS OF LOVE” sjell një atmosferë të ndjerë dhe introspektive, ku përmes vargjeve dhe melodisë rrëfehet një histori dashurie e shprehur përmes mesazheve dhe ndjenjave që mbeten të pathëna.
