Kryetari i Partisë Demokratike të Kosovës, Bedri Hamza, ka paralajmëruar ndërmarrjen e veprimeve ligjore pas vendimit të Dhomave të Specializuara ndaj ish-krerëve të UÇK-së.

Hamza iu bashkua këtë të premte protestës së organizuar në Prishtinë nga shoqatat e dala nga lufta, me moton “Në mbrojtje të UÇK-së”. Ai deklaroi se tubimi nuk është i drejtuar kundër askujt, por synon të shprehë mbështetje për Hashim Thaçin, Kadri Veselin, Jakup Krasniqin dhe Rexhep Selimin.

Kreu i PDK-së paralajmëroi se krahas protestave do të ndërmerren edhe hapa ligjorë, të cilët, sipas tij, pritet të konkretizohen gjatë ditës në Kuvendin e Kosovës.

“Do të bëjmë të gjitha veprimet e nevojshme, demokratike, edhe protesta, por edhe veprime ligjore. Besoj se sot do t’i konkretizojmë në Kuvendin e Republikës së Kosovës”, deklaroi Hamza.

Hamza e cilësoi aktgjykimin e shet)kallës së parë si “të papranueshëm”, “të pabazuar në fakte” dhe “politik”, duke theksuar se këto janë qëndrimet e tij dhe të PDK-së ndaj vendimit të Speciales.

Protesta e së premtes është pjesë e reagimeve që kanë vijuar në Kosovë pas vendimit ndaj katër ish-drejtuesve të UÇK-së. Thaçi dhe Krasniqi u dënuan me nga 25 vjet burg, Veseli me 18 vjet dhe Selimi me 13 vjet. (KOHA.net)

 

ARTIKUJ TË NGJASHËMMË SHUMË NGA AUTORI

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu