Gjykata e Apelit ka lënë në fuqi vendimin e Shkallës së Parë për Mario Perlleshajn, duke konfirmuar dënimin me 16 vite burg për vrasjen e të miturit Martin Cani.
Vendimi u shpall këtë të mërkurë, ndërsa Apeli rrëzoi ankimin dhe la të pandryshuar masën e dënimit.
Ngjarja e rëndë ndodhi më 18 nëntor 2024, pranë shkollës “Fan Noli” në Tiranë. Sipas dosjes hetimore, pas një konflikti fizik mes të miturve, Mario Perlleshaj goditi me mjet prerës 14-vjeçarin Martin Cani, i cili humbi jetën si pasojë e plagëve të marra.
Çështja shkaktoi reagim të gjerë publik dhe ngriti debat mbi sigurinë në shkolla dhe dhunën mes të rinjve.
