Të tjera detaje dalin nga ngjarja që mëngjesin e së mërkurës tronditi dy vendet si Italia dhe Shqipëria, pasi studentja 22-vjeçare shqiptare, u masakrua me thikë nga ish-i dashuri i saj filipinas Mark Samson, e më pas, trupi i saj u gjet brenda një valixheje.
Mirëpo, vrasja e Ilaria Sulës, studentes shqiptare 22-vjeçare e cila jetonte në Terni të Italisë, ka ngritur shumë pikëpyetje.
Babai i viktimës, Flamur Sula ka folur në programin italian “On Chi l’ha visto?”, i cili ka deklaruar se: “Ata ishin bashkë prej gati një viti e gjysmë”, duke iu referuar marrëdhënies së vajzës së tij me 23-vjeçarin filipinas.
I ati i Ilarias ka rrëfyer se nuk e dinte që ishin ndarë:
“Vajza ime nuk tha asgjë, vetëm se duheshin”.
Ditët e fundit familja kishte dëgjuar rrallë për vajzën.
“Ajo më tha se duhej të studionte për një provim dhe se do të kthehej të shtunën”, deklaroi Flamur Sula. Më pas dyshimi i fortë se vajza e tij ishte në rrezik.
“E dija që ishte zhdukur, ndryshe do të më kishte telefonuar” .
Trupi i vajzës i Ilarias u gjet mëngjesin e së mërkurës në një luginë në Poli, në provincën e Romës. Trupi ishte fshehur në një valixhe.
Të shtunën, babai e raportoi të zhdukur vajzën e tij dhe tha në intervistë se Mark Samson madje e kishte përqafuar.
“Që nga e shtuna së bashku me shoqet e dhomës së Ilarisë kemi marrë mesazhe të çuditshme nga numri i vajzës sime, sikur dikush donte të na bënte të besonim se viktima ishte ende gjallë.
Më shkroi: ‘Babi, mos u shqetëso, jam mirë, do të kthehem në Terni pas një muaji’”.
Megjithatë, kur miqtë dhe familjarët u përpoqën të telefononin Ilaria-n, celulari dilte i fikur.
Ndërsa Mark Samson deklaroi se e kishte hedhur në një pusetë. 23-vjeçari, me origjinë filipinase, ka rrëfyer se ka vrarë ish-të dashurën e tij Ilaria Sula.
Por ka shumë pyetje që mbeten pa përgjigje.
-Ku e vrau?
-Në shtëpinë e tij, në lagjen afrikane të Romës, në Via Homs? Dhe kur?
-A kanë qenë vërtet të pranishëm prindërit e tij në momentin e krimit dhe çfarë dinë ata?
-Si arriti të merrte vetë një valixhe aq të madhe?
-Me cilën makinë keni shkuar në Bashkinë e Polit?
© SYRI.net
