Keni menduar ndonjëherë se përse qeni juaj sillet sikur është pronari i shtëpisë, ndërsa macja ju sheh sikur jeni thjesht personeli i saj?
Ndoshta fajin e kanë… yjet.
Sigurisht, nuk ka prova shkencore që shenja e horoskopit përcakton karakterin e kafshës suaj, por për pak humor, ja si mund të dukej zodiaku në versionin me katër putra.
Dashi
Qeni: Nëse dera hapet, ai është nisur. Ku? Nuk ka rëndësi. Rëndësi ka aventura.
Macja: Mund të rrëzojë tre vazo vetëm për të kapur një mizë. Dhe nuk do të pendohet aspak.
Demi
Qeni: Mund të mos ngrihet nga divani për asgjë… përveç zhurmës së frigoriferit.
Macja: Nëse ushqimi nuk është ai që priste, do t’ju shohë sikur e keni tradhtuar personalisht.
Binjakët
Qeni: Një minutë kërkon përkëdhelje, minutën tjetër vrapon nëpër shtëpi sikur e ndjek dikush.
Macja: Ka të paktën dy personalitete. Njëri ju do. Tjetri del zakonisht rreth orës 3 të mëngjesit.
Gaforrja
Qeni: Do të ishte i lumtur të rrinte gjithë ditën me kokën mbi gjurin tuaj.
Macja: Bën sikur s’ju ka nevojë, por mjafton të mbyllni derën dhe nis drama.
Luani
Qeni: Hyn në park sikur sapo ka mbërritur në tapetin e kuq.
Macja: Nuk jeton në shtëpinë tuaj. Ju jetoni në pallatin e saj.
Virgjëresha
Qeni: Mund të shmangë baltën me një elegancë që ju vetë nuk e keni.
Macja: Kalon gjysmën e ditës duke pastruar qimen dhe gjysmën tjetër duke gjykuar pastërtinë e shtëpisë.
Peshorja
Qeni: Do miqësi me të gjithë: qen, njerëz, postierin dhe ndoshta edhe hajdutin.
Macja: Përkëdhelje po, por vetëm kur vendos ajo. Mos u emociononi shumë.
Akrepi
Qeni: E di saktësisht ku e ka fshehur kockën. Ju nuk do ta gjeni kurrë.
Macja: Mund t’ju vështrojë nga errësira për dhjetë minuta dhe askush nuk e di pse.
Shigjetari
Qeni: Çdo shëtitje duhet të kthehet në ekspeditë.
Macja: Nëse ka një dollap ku nuk duhet të ngjitet, aty do ta gjeni.
Bricjapi
Qeni: Merr detyrën e rojës aq seriozisht sa mund t’i lehë edhe një qeseje plastike.
Macja: Ka rutinën e saj dhe ju këshillojmë të mos e prishni.
Ujori
Qeni: Lodrën që i keni blerë nuk e prek. Shishja plastike është kryevepër.
Macja: Mund të injorojë 20 euro lodra dhe të dashurohet me kutinë ku erdhën.
Peshqit
Qeni: Ëndërrimtar profesionist. Fle dhe me siguri sheh veten duke vrapuar në një fushë plot ushqime.
Macja: Mund të bëhet papritur romantike dhe t’ju vendosë kokën në dorë… derisa të mërzitet.
Në fund, pavarësisht shenjës së horoskopit, një gjë është pothuajse e sigurt: qeni mendon se ju jeni njeriu më i mrekullueshëm në botë, ndërsa macja ende po shqyrton aplikimin tuaj.
