Kylian Mbappe ka realizuar një tripletë spektakolare, duke udhëhequr Real Madridin në fitoren 4-1 ndaj Real Sociedadit dhe duke i dhuruar Jose Mourinhos një rikthim triumfues në “Santiago Bernabeu”.
Sulmuesi francez zhbllokoi rezultatin në minutën e 40-të, por Luka Suçiç barazoi vetëm katër minuta më vonë. Reali shpërtheu në pjesën e dytë: Mbappe shënoi përsëri në minutën e 60-të, Vinicius Junior realizoi golin e tretë, ndërsa francezi kompletoi tripletën në të 80-ën.
Jude Bellingham ishte protagonist me dy asistime, ndërsa Vinicius dha pasimin vendimtar për golin e fundit të Mbappes.
Mourinho, i rikthyer në stolin madrilen pas 13 vjetësh, u prit me ovacione nga mbi 72 mijë tifozë. Portugezi ka nisur aventurën e dytë te Reali me dy fitore në dy ndeshje.
Pas takimit, ai e cilësoi Mbappen “lojtar historik” dhe theksoi se francezi është i uritur për të shkruar historinë edhe me fanellën e Real Madridit.
Burimi: BBC Sport
