Edhe dy prej artisteve shqiptare më të njohura në botë, Dua Lipa dhe Rita Ora, kanë reaguar pas vendimit të Dhomave të Specializuara në Hagë ndaj ish-krerëve të UÇK-së.
Dua Lipa ka publikuar në InstaStory emblemën e Ushtrisë Çlirimtare të Kosovës, të shoqëruar me mesazhin “Liria ka emër”.
Në një postim të dytë, këngëtarja ka shpërndarë një grafik mbi pasojat e luftës në Kosovë, ku përmenden viktimat civile, fëmijët e vrarë, gratë e dhunuara gjatë luftës, personat e zhdukur dhe shqiptarët e detyruar të largoheshin nga shtëpitë e tyre.
Edhe Rita Ora ka reaguar përmes Instagramit. Artistja ka shpërndarë një imazh me emblemën e UÇK-së dhe mesazhin: “Duke luftuar për Kosovën që sot e quajmë shtëpi”.
Reagimet e dy këngëtareve vijnë pas aktgjykimit të 16 shtatorit ndaj Hashim Thaçit, Kadri Veselit, Jakup Krasniqit dhe Rexhep Selimit, i cili ka sjellë reagime të shumta në Kosovë, Shqipëri dhe diasporë.
Tag: Dua Lipa, Rita Ora, UÇK, Hashim Thaçi, Kadri Veseli, Jakup Krasniqi, Rexhep Selimi, Gjykata Speciale, Hagë, Kosovë, Liria ka emër
