Pasagjerët e parë të evakuuar nga kroçera MV Hondius, ku shpërtheu alarmi për hantavirusin, janë shtetas spanjollë, ndërsa operacioni masiv i zbarkimit po zhvillohet nën masa të jashtëzakonshme sigurie në Tenerife.
Pamjet nga porti tregojnë pasagjerët të veshur me pajisje mbrojtëse dhe maska, teksa transportohen me mjete të posaçme drejt aeroportit për t’u dërguar në karantinë ose në vendet e tyre të origjinës.
View this post on Instagram
Autoritetet spanjolle kanë konfirmuar se mbi 90 persona do të largohen nga ishulli deri në fund të së dielës, ndërsa shumë prej tyre do t’i nënshtrohen izolimit për javë të tëra për shkak të rrezikut të infektimit me hantavirusin Andes.
Operacioni po monitorohet nga World Health Organization dhe drejtori i saj Tedros Adhanom Ghebreyesus, i cili ndodhet në Tenerife.
Tre persona kanë humbur jetën në anije, ndërsa autoritetet shëndetësore po përpiqen të shmangin përhapjen e virusit, i cili transmetohet kryesisht nga brejtësit dhe në raste të rralla mund të kalojë edhe nga njeriu te njeriu.
