Shqipëria është goditur mëngjesin e sotëm nga dy tërmete të njëpasnjëshme, me magnitudë 3.8 dhe 3.9 të shkallës Rihter, sipas të dhënave të publikuara nga aplikacioni zyrtar LastQuake i Qendrës Sizmologjike Euro-Mesdhetare (EMSC).
Tërmeti i parë me magnitudë 3.9 u regjistrua 26 minuta më parë, në një thellësi prej 17 kilometrash.
Vetëm pesë minuta më pas, një tjetër lëkundje me magnitudë 3.8 u ndje në vend, në një thellësi më të ulët prej 8 kilometrash.
Të dy tërmetet janë regjistruar brenda territorit të Shqipërisë, duke u ndjerë në disa qytete të vendit. Deri tani nuk raportohet për dëme materiale apo të lënduar, por banorët në disa zona kanë raportuar ndjeshmëri të lartë, sidomos për shkak të thellësisë së vogël të lëkundjes së dytë.
Autoritetet nuk kanë bërë ende një reagim zyrtar, ndërsa qytetarët këshillohen të ndjekin udhëzimet e sigurisë në raste tërmetesh dhe të shmangin panikun.
💡 Kujdes! Në raste tërmetesh, qëndroni larg dritareve dhe objekteve të rënda, strehohuni në një vend të sigurt dhe mos përdorni ashensorët.
