Shkodër – Dy persona janë vënë në pranga nga Policia pasi nuk iu bindën urdhrit për të ndaluar, ndërsa lëviznin me një motomjet me targa të vjedhura dhe numër shasie të ndryshuar.
Pas një ndjekjeje nga forcat e rendit, u ndaluan shtetasit M. T. (32 vjeç) dhe D. S. (34 vjeç), të cilët u kapën me një sasi kokaine, një silenciator dhe një bidon me benzinë në automjetet e tyre.
Të dy të arrestuarit do të përballen me akuzat për vjedhje, trafik droge dhe mosbindje ndaj urdhrit të Policisë. Materialet procedurale i kaluan Prokurorisë së Shkodrës për veprime të mëtejshme.
