Tensionet në Lindjen e Mesme janë përshkallëzuar sërish, pasi Shtetet e Bashkuara kanë ndërmarrë sulme ushtarake ndaj Iranit pas një sulmi ndaj një anijeje mallrash në Ngushticën e Hormuzit.
Lajmi është bërë i ditur nga BBC, e cila citon burime zyrtare, por deri më tani nuk janë publikuar detaje mbi objektivat e goditura, shkallën e dëmeve apo nëse ka viktima.
Sipas informacioneve paraprake, veprimi ushtarak amerikan vjen si përgjigje ndaj sulmit ndaj një anijeje tregtare në një nga korridoret detare më të rëndësishme për transportin global të naftës.
Autoritetet amerikane dhe ato iraniane nuk kanë dhënë ende deklarata të plota mbi incidentin, ndërsa pritet që në orët në vijim të bëhen publike më shumë informacione.
Ngushtica e Hormuzit konsiderohet një pikë strategjike për tregtinë botërore të energjisë dhe çdo përshkallëzim në këtë zonë ngre shqetësime për sigurinë detare dhe stabilitetin në rajon.
Lajmi është në zhvillim dhe priten përditësime të mëtejshme.
