Kryeministri Edi Rama deklaroi se protestat e zhvilluara gjatë muajve të fundit kanë qenë një moment reflektimi për qeverinë dhe se i kupton qytetarët që kanë dalë në rrugë.
Në intervistën për “Channel 4”, Rama tha se protesta është tregues se shoqëria shqiptare ka hyrë në një fazë të re, ku qytetarët kanë pritshmëri më të larta ndaj institucioneve.
Ai shtoi se protestat nuk i sheh si diçka negative, por si një mundësi për të reflektuar mbi politikat dhe drejtimin që duhet të marrë qeveria në vijim.
