Inteligjenca artificiale mund t’i japë një shtysë të fortë ekonomisë europiane, por transformimi mund të sjellë njëkohësisht pasoja të mëdha në tregun e punës.
Sipas një analize të Fondit Monetar Ndërkombëtar të paraqitur ministrave të Financave të Bashkimit Europian, rreth 60% e punonjësve në ekonomitë e zhvilluara europiane ndodhen në profesione me ekspozim të lartë ndaj inteligjencës artificiale.
Në disa vende AI mund të rrisë produktivitetin, ndërsa në profesione të tjera një pjesë e detyrave mund të automatizohet.
FMN vlerëson se përdorimi i inteligjencës artificiale mund të shtojë rreth 1% në produktivitetin europian gjatë pesë viteve, por përfitimet mund të shpërndahen në mënyrë të pabarabartë.
Një tjetër problem është energjia. Qendrat e të dhënave që furnizojnë sistemet AI konsumojnë sasi të mëdha elektriciteti dhe zgjerimi i tyre mund të ushtrojë presion të mëtejshëm mbi rrjetet europiane.
