Një vatër e madhe zjarri është regjistruar pasditen e kësaj të mërkure në Daias të Tiranës, duke shtuar një tjetër front në situatën e rënduar nga zjarret në vend.
Sipas informacioneve paraprake, flakët kanë nisur rreth një orë më parë, ndërsa sasia e madhe e tymit ka mbuluar zonën dhe është e dukshme edhe nga distanca të largëta.
View this post on Instagram
Në terren kanë mbërritur forcat zjarrfikëse, të cilat po punojnë për të kufizuar përhapjen e zjarrit dhe për ta vënë atë nën kontroll.
Operacionit nga toka i është bashkuar edhe një helikopter i Forcës Ajrore, i cili po ndërhyn nga ajri për shuarjen e flakëve.
Ende nuk ka të dhëna për dëme apo nëse zjarri rrezikon banesa. Situata po monitorohet nga strukturat e emergjencave.
Vatra në Daias regjistrohet në një ditë veçanërisht të vështirë për shërbimet zjarrfikëse, me disa zjarre aktive në zona të ndryshme të vendit.
