Spanja është finalistja e parë e Botërorit 2026, pasi mposhti Francën me rezultatin e pastër 2-0 në gjysmëfinalen e zhvilluar në Dallas.
Skuadra e Luis de la Fuente dominoi kampionët e botës dhe kaloi në avantazh në minutën e 22-të, kur Mikel Oyarzabal shndërroi në gol një penallti të fituar pas ndërhyrjes ndaj Lamine Yamal. Në pjesën e dytë, Pedro Porro vulosi kualifikimin me golin e minutës së 58-të, pas asistit të Dani Olmo.
Franca, që kishte shënuar 16 gola në gjashtë ndeshjet e mëparshme të turneut, zhvilloi një nga paraqitjet më të dobëta në këtë Botëror. “Gjelat” krijuan pak raste dhe nuk arritën të gjenin rrugën e rrjetës përballë një Spanje shumë të organizuar në çdo repart.
Me këtë fitore, Spanja siguron biletën për finalen e së dielës, ku do të përballet me fituesen e gjysmëfinales mes Anglisë dhe Argjentinës. Ndërkohë, Franca do të luajë ndeshjen për vendin e tretë.
