Anglia do të përballet me Republikën Demokratike të Kongos në raundin e 16 skuadrave të Kupës së Botës 2026, në një duel ku favoritë mbeten “Tre Luanët”, por trajneri Thomas Tuchel është i vetëdijshëm se nuk ka vend për nënvlerësim.
RD Kongo e mbylli fazën e grupeve në vendin e tretë, pasi mposhti Uzbekistanin, barazoi me Portugalinë dhe u mund nga Kolumbia. Skuadra afrikane luan me skemën 5-3-2, mbështetet te organizimi defensiv dhe kërkon të godasë në kundërsulm, edhe pse shpesh ushtron presion të lartë ndaj kundërshtarëve.
Sipas analizës së BBC Sport, kjo mënyrë loje mund t’i krijojë hapësira Anglisë. Tuchel pritet të shfrytëzojë krahët dhe ndërrimet e shpejta të lojës për të nxjerrë jashtë pozicioni mbrojtjen kongoleze, ndërsa pasimet e gjata drejt Jude Bellingham, Marcus Rashford, Anthony Gordon dhe Noni Madueke mund të rezultojnë vendimtare.
Megjithatë, RD Kongo mbetet e rrezikshme në tranzicion. Lojtari më i spikatur është sulmuesi Yoane Wissa, i cili konsiderohet kërcënimi kryesor falë lëvizjeve të tij në zonë dhe instinktit për gol.
Ndeshja do të zhvillohet të mërkurën dhe fituesi do të sigurojë një vend në çerekfinalet e Botërorit 2026.
