ChatGPT, X dhe faqe të tjera jashtë funksionit për shkak të problemeve me ofruesin e infrastrukturës së internetit Cloudflare
Edhe Spotify dhe disa videogame online u prekën. Cloudflare kishte planifikuar një mirëmbajtje për qendrën e të dhënave SCL (Santiago) për sot.
Ofruesi i infrastrukturës së internetit Cloudflare po heton një problem që ka shkaktuar ndërprerje për platformën e mediave sociale X, disa lojëra multiplayer dhe ChatGPT. Cloudflare deklaroi në faqen e statusit të shërbimit të tij se ishte në dijeni dhe po hetonte një problem që po prekte disa klientë.
Janë raportuar gabime të shpeshta 500 dhe mosfunksionime të panelit të kontrollit dhe API-së së Cloudflare. Kompania më pas dha një përditësim duke njoftuar se procesi i rikuperimit ishte në zhvillim, por më vonë shtoi se ende po hetonte shkakun e problemit. Cloudflare kishte planifikuar mirëmbajtje për qendrën e të dhënave SCL (Santiago) për të martën.
“Po punojmë për të kuptuar plotësisht ndikimin dhe për të reduktuar pasojat”, tha Cloudflare në faqen e shërbimeve të saj.
Sipas portalit Down Detector, që tregon problemet dixhitale në nivel global, edhe Spotify dhe disa lojëra online u prekën nga ngjarja. Qëllimi i Cloudflare është ta bëjë internetin më të shpejtë dhe më të sigurt duke vepruar si ndërmjetës që menaxhon dhe optimizon gjithë trafikun online. Kur platforma ka një problem, faqet bëhen të paarritshme sepse rruga e përdorur për t’u lidhur bllokohet.
Ndërprerja ndodhi gati një muaj pas asaj të Amazon Web Services, e cila ndërpreu për orë të tëra një gamë të gjerë shërbimesh online.
