Prokuroria e Lezhës ka ekzekutuar sot, më 29 tetor, 10 masa sigurie në kuadër të një hetimi të gjerë mbi një skemë të dyshuar tjetërsimi pronash në zonat bregdetare të Lezhës.
Operacioni u zhvillua me urdhër të Prokurorisë dhe vendim të Gjykatës, pas disa muajsh hetime mbi veprime të paligjshme në regjistrat kadastralë dhe falsifikime dokumentesh për përfitimin e pronave.
Sipas burimeve zyrtare, masat e vendosura janë:
- Pjetër Tuci – “Arrest në burg”
- Gentian Malota, ish-drejtor i Kadastrës – “Arrest në shtëpi”
- Artur Shabaku, ish-shef i Legalizimeve – “Arrest në shtëpi”
- Artmir Maxhuni, zyrtar i Kadastrës – “Arrest në shtëpi”
- Luiza Bala – “Arrest në shtëpi”
- Hekuran Xhina – “Arrest në shtëpi”
- Flor Giini, ish-drejtor i IKMT – “Ndalim i daljes jashtë shtetit”
- Kol Malaj, ish-drejtor i IKMT – “Ndalim i daljes jashtë shtetit”
- Martin Ndoka, polic zone në Shëngjin – “Pezullim i ushtrimit të një detyre publike” dhe “Ndalim i daljes jashtë shtetit”
Hetimet po vijojnë për zbardhjen e plotë të rrjetit të përfshirë në këtë skemë të dyshuar, që synonte përfitimin në mënyrë të paligjshme të pronave në vijën bregdetare të Lezhës.
