Policia e Shtetit ka hapur aplikimet për pranim në 402 funksione të rolit bazë, në kuadër të Patrullës së Përgjithshme, me qëllim rifreskimin e strukturave dhe plotësimin e nevojave të përvitshme për punonjës të rinj policie.
Nga kuotat e shpallura, 52 i takojnë konkurrentëve që ishin në listë pritjeje nga aplikimi i fundit, ndërsa 350 kuota i takojnë konkurrentëve të kësaj faze.
Aplikimet janë të hapura nga data 01.09.2025 deri më 21.09.2025 dhe mund të dorëzohen pranë drejtorive vendore të Policisë ku aplikanti ka vendbanimin e përhershëm.
Kriteret kryesore për aplikim:
- Shtetas shqiptar, mos më shumë se 30 vjeç.
- Gjatësi: jo më pak se 170 cm për meshkujt dhe 160 cm për femrat.
- Përfundim i arsimit të mesëm (jo i përjashtuar ai me arsim të lartë).
- Jo i përjashtuar nga Policia e Shtetit ose strukturat e tjera të sigurisë.
- Gjendje e mirë shëndetësore dhe aftësi fizike për kryerjen e detyrës.
- Dëshmi të drejtimit të automjetit tip B.
- Pa dënime penale, besueshmëri dhe integritet i vërtetuar.
Dokumentacioni i nevojshëm:
- Formular aplikimi, vetëdeklarim, dekriminalizim
- Fotokopje ID-je dhe diplomë me listë notash
- Certifikata gjendjeje gjyqësore, familjare, shëndetësore
- Vërtetime nga gjykata, prokuroria dhe SPAK
- Mandat pagesa e tarifës së aplikimit
Faza e pranimit:
- Aplikimi dhe shqyrtimi i dokumentacionit
- Kontrolli shëndetësor
- Testi me shkrim
- Testi fizik
- Intervista me gojë
- Verifikimi i besueshmërisë dhe integritetit
- Marrja e gjurmëve të gishtave
Aplikantët që kalojnë me sukses fazat e konkurrimit shpallen fitues dhe i nënshtrohen trajnimit 9-mujor në Kolegjin Profesional të Formimit Policor, prej të cilit 6 muaj janë teori dhe 3 muaj praktikë pranë strukturave policore. Pas përfundimit, punësimi është i garantuar në strukturat ku aplikuan.
Policia e Shtetit fton të rinjtë dhe të rejat të aplikojnë, duke garantuar një proces konkurrimi transparent, të paanshëm dhe meritokratik.
🔗 Formularët dhe më shumë informacion mund të gjenden këtu.
