Hetuesit italianë kanë gjetur një material ku duket një makinë teksa mbërrin pranë shkëmbit në Poli ku u braktis valixhja me trupin e Ilaria Sulës brenda. Makina pastaj largohet përsëri. Nuk ka njerëz për t’u parë. Por kjo është makina e familjes së Mark Samsonit. Është e mërkurë e datës 26, rreth orës gjashtë pasdite, studentja ishte zhdukur një mbrëmje më parë, shenja e fundit ishte një mesazh zanor i dërguar një shoqeje. Pikërisht në atë periudhë kohore – rreth 22 orë – u vra Ilaria.
Për hetuesit e skuadrës lëvizëse të koordinuar nga zv/prokurori Giuseppe Cascini, gjithçka ka ndodhur në banesën në via Homs, ku janë gjetur edhe gjurmë gjaku në dhomën e djalit, elemente për t’u analizuar për të kuptuar se në cilin drejtim duhet marrë hetimi nga Prokuroria e Romës për femicidin e studentes nga Terni.
Ai e ka goditur 4 herë me thikë në qafë dhe vajza ka vdekur si pasojë e hemorragjisë. Dyshohet se e ka mbajtur 20 orë në shtëpi derisa e futi në një valixhe dhe e hodhi disa kilometra larg Romës.
Hetuesit po shqyrtojnë veçanërisht pozicionin e prindërve të Samsonit. Ata ndodheshin në shtëpi në momentin e krimit. Ish-i dashuri i Ilarias akuzohet edhe për vrasje me dashje me rrethanë rënduese.
23-vjeçari ka pranuar vrasjen e Ilarias, por nuk ka thënë asgjë tjetër para prokurorisë që do të kërkojë vërtetimin e arrestit. Është urdhëruar autopsia. Sot policia do të rikthehet në banesën në rrugën Homs ku u gjet dje një thikë kuzhine. Nuk duket të jetë arma e vrasjes. Samsoni tha se e kishte hedhur thikën në një kazan.
