Coca-Cola HBC Austria ka tërhequr miliona shishe plastike, pas shqetësimeve se disa produkte mund të përmbajnë fragmente metali.
Deri në 28 milionë shishe gjysmë litri do tërhiqen sipas Deutsche Welle, duke përfshirë Sprite, Coca-Cola, MezzoMix dhe Fanta me një datë skadence midis 4 shkurtit dhe 12 prillit 2025.
Në një deklaratë, Coca-Cola HBC Austria, tha: “Nuk mund të përjashtohet që mund të ketë copa të vogla metali në një numër shumë të kufizuar shishe PET 0.5l për shkak të një gabimi teknik në prodhim. Ne këshillojmë që të mos konsumoni produkte potencialisht të prekura për shkak të një rreziku të mundshëm për shëndetin.
