Një i ri nga Kosova dyshohet se është mbytur pasditen e sotme në liqenin e Komanit.

Sipas informacionit paraprak të Policisë, ngjarja është regjistruar rreth orës 17:30, në vendin e quajtur “Breg Lumi”, në zonën e Fierzës.

I riu, i identifikuar me inicialet L. D., rreth 20 vjeç, ndodhej në liqen së bashku me disa shokë. Paraprakisht dyshohet se ai është mbytur ndërsa po lahej në ujërat e liqenit.

Në vendngjarje kanë mbërritur shërbimet policore, ndërsa grupi hetimor po punon për dokumentimin e rastit dhe sqarimin e plotë të rrethanave në të cilat ndodhi ngjarja.

Pritet që autoritetet të japin informacione të mëtejshme pas përfundimit të veprimeve të para hetimore.