Erling Haaland shënoi dy gola, ndërsa Norvegjia mposhti 2-1 Brazilin dhe u kualifikua për herë të parë në çerekfinalet e Kupës së Botës, duke shkaktuar një nga surprizat më të mëdha të turneut.
Sulmuesi norvegjez zhbllokoi sfidën në minutën e 79-të me një goditje me kokë, ndërsa në minutën e 90-të vulosi fitoren me një goditje të fuqishme nga distanca. Të dy golat erdhën pas asistimeve të Antonio Schjelderup.
Brazili pati mundësinë të kalonte në avantazh në pjesën e parë, por Bruno Guimaraes humbi një penallti. Goli i vetëm për pesë herë kampionët e botës erdhi në minutën e 100-të, kur Neymar shënoi nga pika e bardhë, por ishte tepër vonë për të shmangur eliminimin.
Me këtë fitore historike, Norvegjia siguron për herë të parë një vend në çerekfinalet e Botërorit dhe do të përballet me fituesin e sfidës Angli–Meksikë.
Haaland u ngjit gjithashtu në kuotën e shtatë golave në turne, duke barazuar Kylian Mbappé dhe Lionel Messin në krye të renditjes për “Këpucën e Artë”. Fitorja konfirmoi edhe një statistikë të veçantë: Brazili mbetet pa fitore ndaj Norvegjisë në historinë e përballjeve mes dy kombëtareve.
