Katari ka shkruar historinë në Kupën e Botës 2026, duke siguruar pikën e parë ndonjëherë në një Botëror pas barazimit 1-1 ndaj Zvicrës.
Zvicra kaloi në avantazh në minutën e 17-të me një penallti të realizuar nga Breel Embolo dhe dominoi thuajse të gjithë ndeshjen, duke krijuar një numër të madh rastesh për shënim.
Megjithatë, shpërdorimi i rasteve i kushtoi shtrenjtë helvetëve. Kur gjithçka dukej e mbyllur, kapiteni i Katarit, Boualem Khoukhi, realizoi me kokë në minutën e 94-t pas një krosimi nga krahu i majtë, duke ndezur festën e tifozëve në stadium.
Statistikat treguan dominimin e plotë të Zvicrës, me 26 goditje kundrejt 7 të Katarit dhe një koeficient xG prej 3.24 ndaj 0.76. Megjithatë, rezultati final mbeti 1-1.
Një nga protagonistët kryesorë të sfidës ishte portieri i Katarit, i cili realizoi disa pritje vendimtare dhe mbajti ekipin në lojë deri në momentin e golit të barazimit.
Me këtë rezultat, Katari siguron pikën e parë në historinë e pjesëmarrjeve të tij në Kupën e Botës, ndërsa Zvicra largohet me pengun e një fitoreje të shpërdoruar në minutat shtesë.
