rling Haaland po vazhdon të shkruajë historinë me fanellën e Norvegjisë. Pas golit vendimtar në fitoren 2-1 ndaj Bregut të Fildishtë në raundin e 32 skuadrave të Kupës së Botës 2026, sulmuesi ka arritur në 60 gola në vetëm 53 ndeshje me kombëtaren, një mesatare që nuk e ka asnjë futbollist aktiv në arenën ndërkombëtare.
Në Botërorin e zhvilluar në Amerikën e Veriut, Haaland ka realizuar pesë gola në vetëm tre paraqitje, duke u renditur mes golashënuesve më të mirë të turneut. Ai ishte autor i golit të fitores ndaj Bregut të Fildishtë në minutën e 86-të, duke i siguruar Norvegjisë kualifikimin historik në raundin e 16 skuadrave, ku e pret Brazili.
Sipas BBC Sport, ritmi i jashtëzakonshëm i golave të Haaland e vendos atë në një kurs të drejtpërdrejtë drejt rekordit të Cristiano Ronaldos, i cili aktualisht mban rekordin e golashënuesit më të mirë në historinë e kombëtareve me 145 gola. Me mesataren aktuale, Haaland mund ta barazojë këtë shifër rreth moshës 32-vjeçare.
Analiza shkon edhe më tej: nëse Norvegjia vazhdon të kualifikohet rregullisht në turnetë madhorë dhe Haaland ruan të njëjtin ritëm deri në fund të karrierës, ai teorikisht mund të arrijë deri në 260 gola ndërkombëtarë deri në moshën 41-vjeçare. BBC thekson se ky është një skenar hipotetik, pasi gjithçka varet nga forma, dëmtimet dhe ecuria e Norvegjisë në vitet e ardhshme.
Për momentin, Haaland mbetet figura kryesore e Norvegjisë dhe shpresa më e madhe e saj për të vazhduar aventurën në Botërorin 2026.
