Sekretari i Përgjithshëm i Partisë Demokratike, Flamur Noka, ka sulmuar publikisht ish-deputeten demokrate Grida Duma, pas intervistës që kjo e fundit zhvilloi me ish-drejtoreshën e AKSHI-t, Mirlinda Karçanaj.
Në një reagim të fortë në rrjetet sociale, Noka akuzoi Dumën se po përdoret për të “pastruar” figurat e lidhura me skandalet e qeverisë.
“Është bërë si lavatriçe korrupsioni”, shkroi ai, duke iu referuar rolit të ri të Dumës si moderatore televizive.
Reagimi i Nokës vjen pak ditë pas intervistës së Grida Dumës me Mirlinda Karçanajn, ish-drejtoreshën e AKSHI-t, e cila foli publikisht për herë të parë pas hetimeve dhe akuzave që kanë shoqëruar institucionin.
Përplasja tregon tensionet e vazhdueshme mes figurave të opozitës, ndërsa Grida Duma prej kohësh është distancuar nga aktiviteti politik aktiv në Partinë Demokratike.
