Kryetari i Partisë Demokratike, Sali Berisha, deklaroi se do të mbështesë Spanjën në finalen e Kupës së Botës, duke thënë se nuk është tifoz i Argjentinës për shkak të mënyrës se si, sipas tij, luan kjo skuadër.
I pyetur nga gazetarët për preferencën e tij për finalen, Berisha u shpreh se ndjek vetëm fazën përfundimtare të Botërorit dhe se këtë herë ka parë katër ndeshjet e fundit.
Ai tha se fillimisht kishte mbështetur Francën në gjysmëfinale, por gjatë ndeshjes ndryshoi mendim për shkak të paraqitjes së dobët të francezëve.
“Në ndeshjen Francë-Spanjë isha i bindur se Franca do të shkëlqente, por mbeti si një hije përballë Spanjës. Gjatë ndeshjes kalova me Spanjën”, u shpreh Berisha.
Sa i përket gjysmëfinales tjetër, ai tha se kishte bërë tifo për Anglinë, por kritikoi paraqitjen e saj, duke e cilësuar skuadër që u tërhoq në mbrojtje dhe iu nënshtrua presionit të Argjentinës.
Berisha shtoi se nuk e pëlqen stilin e lojës së Argjentinës, duke pretenduar se lojtarët e saj përdorin ndërhyrje të palejuara dhe mbajtje të kundërshtarëve gjatë lojës.
“Nuk jam me Argjentinën. Jam me Spanjën”, përfundoi ai.
