Një autobus me turistë është përfshirë nga flakët pasditen e kësaj të shtune në hyrje të tunelit në Elbasan.
Sipas informacioneve paraprake, pas konstatimit të zjarrit, turistët që ndodheshin në autobus kanë zbritur nga mjeti.
Incidenti ka shkaktuar bllokimin e rrugës dhe probleme me qarkullimin e automjeteve në këtë aks.
Deri tani nuk ka informacion për persona të lënduar, ndërsa mbeten ende të paqarta shkaqet e zjarrit.
Në zonë po punohet për normalizimin e qarkullimit dhe hapjen e plotë të rrugës.
