Ish-drejtori i FBI, James Comey, është paditur nga një juri federale në SHBA, i akuzuar se një postim i tij në rrjetet sociale në vitin 2025 përbënte kërcënim ndaj presidentit Donald Trump.
Aktakuza është ngritur në Karolinën e Veriut dhe përbën një tjetër përballje ligjore për Comey, ndërsa autoritetet pretendojnë se përmbajtja e publikuar prej tij kishte karakter të rrezikshëm.
Nga ana e tij, ish-zyrtari i lartë i sigurisë ka mohuar akuzat, duke deklaruar se është i pafajshëm dhe duke kritikuar Departamentin e Drejtësisë për mënyrën se si po trajton çështjen.
Rasti shihet si një zhvillim i ri në përplasjet politike dhe ligjore në SHBA, pasi Comey ka qenë prej kohësh një kritik i hapur i Trump.
Hetimet dhe procedurat gjyqësore pritet të vijojnë në javët në vijim, ndërsa çështja ka ngjallur debat të fortë në skenën politike amerikane.
