Një automjet tip “Benz” ka shpërthyer mbrëmjen e së premtes në Gjirokastër, duke lënë të dëmtuar dy persona.
Sipas informacionit paraprak të Policisë, ngjarja ka ndodhur rreth orës 22:00 në bulevardin “18 Shtatori”.
Automjeti, në pronësi të shtetasit B. D., ishte në lëvizje në momentin kur dyshohet se ka ndodhur shpërthimi.
Si pasojë kanë mbetur të dëmtuar B. D. dhe R. M., të cilët janë transportuar në spital dhe ndodhen nën kujdesin e mjekëve.
Ende nuk dihet se çfarë e ka shkaktuar shpërthimin. Grupi hetimor ndodhet në vendngjarje dhe po punon për sqarimin e plotë të rrethanave dhe përcaktimin e saktë të shkakut.
Tags SEO: Gjirokastër, shpërthim Gjirokastër, Benz shpërthen, bulevardi 18 Shtatori, dy të plagosur, automjet në lëvizje, Policia Gjirokastër, kronikë
