Tensione janë shënuar paraditen e së enjtes para Kuvendit, ku protestuesit janë mbledhur për të kundërshtuar zhvillimin e seancës plenare.
Sipas raportimeve, forcat e policisë kanë shoqëruar disa persona që ndodheshin pranë Parlamentit, mes tyre edhe ekspertin e IT-së dhe aktivistin Gent Progni. Deri tani nuk janë bërë të ditura zyrtarisht arsyet e shoqërimit të tyre.
Ndërkohë, një grup protestuesish hodhën miell në drejtim të automjetit të kryetarit të Kuvendit, Niko Peleshi, në momentin kur ai po hynte në ambientet e Parlamentit. Në zonë u dëgjuan edhe thirrje kundër deputetëve të mazhorancës dhe opozitës.
Protesta po zhvillohet nën masa të shtuara sigurie, ndërsa situata rreth godinës së Kuvendit mbetet e tensionuar.
Tags SEO:
