Babai i ministres Adea Pirdeni, Luan Pirdeni, ka ndërruar jetë në spital pas një aksidenti të rëndë të ndodhur mesditën e sotme në Tiranë.
Ngjarja ndodhi rreth orës 12:00, në kryqëzimin e rrugës “Bardhyl” me rrugën “Kongresi i Manastirit”, ku 87-vjeçari u përplas nga një motomjet teksa lëvizte me biçikletë.
Si pasojë e përplasjes, Luan Pirdeni mori plagë të rënda dhe u transportua menjëherë në spital, por fatkeqësisht nuk mundi të mbijetojë.
Policia ka arrestuar drejtuesin e motomjetit, shtetasin S. M., i cili sipas njoftimit zyrtar ishte duke drejtuar mjetin në momentin e aksidentit.
Grupi hetimor po vijon punën për të sqaruar plotësisht rrethanat e ngjarjes.
