Një 23-vjeçar ka humbur jetën në Librazhd pasi dyshohet se u dëmtua aksidentalisht gjatë kohës që po riparonte automjetin e tij në një servis.
I riu, me inicialet L.D., u transportua me urgjencë në Spitalin e Librazhdit për ndihmë mjekësore, por nuk mundi t’u mbijetojë plagëve të marra.
Sipas të dhënave paraprake, ngjarja ndodhi në servisin e një shtetasi me inicialet I.P., ndërsa rrethanat e plota mbeten ende të paqarta.
Grupi hetimor ndodhet në vendngjarje dhe po punon për zbardhjen e shkaqeve të aksidentit, si edhe për dokumentimin ligjor të rastit.
