Prokuroria e Tiranës ka caktuar masa sigurie për tetë persona, mes të cilëve pesë zyrtarë të Bashkisë Tiranë dhe tre përfaqësues të subjekteve, të përfshirë në veprat penale “Falsifikimi i dokumenteve” dhe “Shpërdorimi i detyrës”.
Ish-deputeti Myslim Murrizi tha në studion e Zonë e lirë në MCN Tv se Veliaj nuk rrezikon t’i hapet çështje e re pasi në vendin tonë është futur kodi i heshtjes i mafias.
Nuk e besoj që Veliaj të jetë i rrezikuar dhe t’i hapet një çështje tjetër. Këtu si padashje është futur kodi i heshtjes i mafias. Hesht se të mbrojmë ne! Kur ky kod ka funksionuar në nivele shumë më të larta. Nuk besoj se këta kanë këllqe e të flasin./Mcn tv
