Kryeministri Edi Rama ka reaguar menjëherë pas triumfit të Shqipërisë ndaj Serbisë në Leskovac, në ndeshjen e vlefshme për kualifikueset e Botërorit 2026.
Në një postim në rrjetet sociale, Rama ka shprehur entuziazmin e tij për këtë fitore historike, duke shkruar:
“Fitore me gol, fitore me lojë, fitore me zemër kuqezi.”
Reagimi i Ramës vjen pas golit vendimtar të Rey Manajt, që i dha kuqezinjve tre pikë të arta dhe forcoi pozitat e Shqipërisë në rrugëtimin drejt Botërorit.
Një fitore që ka bashkuar gjithë shqiptarët në një ndjenjë krenarie dhe gëzimi kombëtar.
Më herët kryeministri Edi Rama postoi golin e Rey Manaj në Serbi dhe momentet kur ai bën shqiponjën me duar duke marrë më pas edhe një karton të verdhë.
