Oslo, 10 tetor 2025 – Politikania venezueliane Maria Corina Machado është shpallur fituesja e Çmimit Nobel për Paqen për vitin 2025, për “përpjekjet e saj të palodhura në promovimin e të drejtave demokratike të popullit të Venezuelës dhe për luftën e saj për një tranzicion të drejtë dhe paqësor nga diktatura në demokraci”.
Kryetari i Komitetit Norvegjez të Nobelit, Jørgen Watne Frydnes, tha se Machado është “një grua që mban gjallë flakën e demokracisë mes një errësire në rritje”, duke e cilësuar atë si “një shembull të jashtëzakonshëm guximi dhe përkushtimi ndaj lirisë dhe paqes”.
Machado është cilësuar si një figurë unifikuese në Venezuelë, në një kohë kur demokracia në rajon përballet me sfida të mëdha.
Çmimi Nobel për Paqen përfshin një medalje, një diplomë personale dhe një shpërblim financiar prej 11 milionë kronash suedeze (rreth 1.15 milionë dollarë amerikanë).
Fituesit e tjerë të Nobelit këtë vit përfshijnë:
- László Krasznahorkai për Letërsinë,
- Shimon Sakaguchi, Mary Brunkow dhe Fred Ramsdell për Mjekësinë,
- Susumu Kitagawa, Richard Robson dhe Omar Yaghi për Kiminë,
- John Clarke, Michel H. Devoret dhe John M. Martinis për Fizikën.
Vitin e kaluar, Çmimin Nobel për Paqen e mori Nihon Hidankyo, shoqata japoneze e të mbijetuarve të bombave atomike të Hiroshimës dhe Nagasakit.
