Ish-kryeministri Sali Berisha deklaroi sot se kryetarit të Bashkisë Tiranë, Erion Veliaj, po i kërkohet në mënyrë ultimative që të mos paraqitet në Gjykatë Kushtetuese, me qëllim që të mund të përfitojë lehtësira dhe të dalë i lirë nga burgu.
Berisha tha se kjo situatë lidhet me arrestimin e ish-zyrtarit Gjush, i cili sipas tij është përdorur për të favorizuar Veliajn. Ai theksoi se procedurat po manipulohen për të ndikuar në vendimet e Gjykatës Kushtetuese dhe për të penguar zbatimin e ligjit.
“Çdo përpjekje për të ndaluar Veliajn të shkojë në Gjykatë Kushtetuese është një shkelje e Kushtetutës dhe e parimeve të shtetit ligjor. Ky është një narkoshtet, ku ligji dhe institucionet janë zëvendësuar me interesa të caktuara,” deklaroi Berisha.
Ish-kryeministri u shpreh gjithashtu se këto praktika përfaqësojnë një kërcënim serioz për qeverisjen vendore dhe për sigurinë ligjore në vend, duke bërë thirrje për respektimin e parimeve kushtetuese dhe ligjore.
