Donald Trump do të takohet me presidentin rus Vladimir Putin në Alaskë të premten e ardhshme, në bisedimet e tyre të para ballë për ballë që prej vitit 2019, ndërsa Shtëpia e Bardhë po intensifikon përpjekjet për arritjen e një armëpushimi në Ukrainë.
Trump kishte vendosur të premten e kaluar si afat që Putin të pranonte një marrëveshje, por asnjë njoftim nuk u bë. Më herët, ai tha se bisedimet do të zhvillohen “shumë shpejt” dhe se marrëveshja mund të përfshijë “disa shkëmbime territoresh… për të mirën e të dyja palëve”.
Rusia aneksoi rajonin ukrainas të Krimesë në vitin 2014 dhe nisi pushtimin në shkallë të plotë në shkurt 2022. Megjithëse mban nën kontroll rreth 20% të territorit të Ukrainës, Moska nuk ka arritur një përparim vendimtar në fushëbetejë, ndërsa ofensivat ukrainase nuk kanë arritur të zmbrapsin forcat ruse.
