Tiranë — Duke filluar nga 1 gushti 2025, në të gjithë sistemin shëndetësor, si publik ashtu edhe privat, do të nisë zbatimi i modelit të ri të recetës mjekësore, një reformë që synon të rrisë sigurinë dhe cilësinë e trajtimit për qytetarët.
Lajmi u bë publik nga kryeministri Edi Rama, i cili theksoi se receta e re sjell përfitime konkrete për pacientët, farmacistët dhe mjekët:
🔹 Diagnozë e detyrueshme në recetë, për të udhëzuar saktë farmacistin
🔹 Recetë deri në 6 muaj, për pacientët me trajtime afatgjata
🔹 Emërtim gjenerik, dozë dhe mënyrë përdorimi – për të shmangur çdo keqkuptim
🔹 Firmë dhe vulë e farmacistit, si garanci për origjinën dhe sigurinë e medikamenteve
Reforma është pjesë e përpjekjeve për dixhitalizimin dhe modernizimin e shërbimeve shëndetësore në Shqipëri.
