Ka nisur me Lezhën numërimi i votave të Greqisë në Parkun Olimpik. Procesi po ndiqet nga dretuesi politik i PD për këtë qark, Agron Gjekmarkaj nga kampi blu dhe nga drejtuesi politik i PS për diasporën Taulant Balla i cili nuk largohet nga salla e parkut olimpik që prej fillimit të numërimit mbrëmjen e zgjedhjeve të 11 majit. Votat e Greqisë mund të përmbysin rezultati dhe mandati i fundit i PD t’i shkojë PS.
Azmir Dulevic, kandidat për qarkun Fier nga Nisma ‘Shqipëria Bëhet’ po ndjek nga afër procesin sepse sot ka nisur edhe numërimi i votave preferenciale nga diaspora.
Janë rreth 54 mijë vota të mbërritura me zarfe nga fqinji jugor të cilat u hoqën mënjanë nga KQZ, pasi u kontestuan nga PD dhe pas një jave të gjatë me vendime nga kryekomisioneri Celibashi, KAS dhe Kolegji Zgjedhor më në fund po numërohen.
