Departamenti i Drejtësisë në Arizona ka hapur një hetim për të përcaktuar nëse sulmi verbal i Donald Trump ndaj Liz Cheney – “ata duhet t’i drejtojnë armët asaj” – ishte një kërcënim me vdekje.
Kamala Harris komentoi gjithashtu duke i quajtur deklarat “dhunë verbale” që “skualifikon” Donald Trump, duke e bërë atë “të papërshtatshëm për Shtëpinë e Bardhë”. Liz Cheney është vajza e ish-zëvendëspresidentit amerikan Dick Cheney.
Ndërsa nga njëra anë demokratja po përpiqet të fitojë vrull me ndihmën e të famshmëve – nga Jennifer Lopez te Julia Roberts – republikani po fokusohet në atë që bën më së miri: ngritjen e tonit dhe përshkallëzimin e retorikës, me sulme të paprecedentë kundër kundërshtarëve të tij.
Një “luftëtar” që duhet drejtuar me armë”, ishte fraza tronditëse që manjati i drejtoi Liz Cheney. Një deklaratë e dhunshme që ngjalli polemika dhe nxiti një përgjigje të menjëhershme nga vajza e ish-zëvendëspresidentit. “Diktatorët shkatërrojnë kombet e lira. Ata kërcënojnë kundërshtarët e tyre me vdekje”, u përgjigj ajo në një postim në X. “Ne nuk mund t’ia besojmë vendin dhe lirinë tonë një njeriu të vogël, hakmarrës, mizor dhe të paqëndrueshëm që dëshiron të jetë një tiran.
Ish-presidenti, akuzoi Harris nga Wisconsin, “intensifikoi dhunën verbale kundër kundërshtarëve të tij politikë dhe, në detaje, sugjeroi t’i drejtonte armët ish-kongresmenes Liz Cheney. Kjo duhet ta skualifikojë atë. Dikush që dëshiron të jetë president i Shteteve të Bashkuara dhe që përdor këtë lloj abuzimi verbal është qartësisht i papërshtatshëm dhe i skualifikuar nga posti i presidentit.”
Shtëpia e Bardhë: Fjalët e Trump janë të papranueshme Fjalët e Donald Trump kundër Liz Cheney janë “të papranueshme” dhe “të rrezikshme”. Këtë e tha zëdhënësja e Shtëpisë së Bardhë, Karine Jean-Pierre, duke folur në bordin e Air Force One që po merr presidentin Joe Biden në Pensilvani. Sa i përket rrezikut që ish-kongresmenja republikane mund të jetë subjekt i sulmeve të dhunshme, Jean-Pierre përsëriti se komente si ato të bëra nga Trump “priren të jenë të rrezikshme dhe mund të jenë të rrezikshme”.
