Ministri i Shtetit për Marrëdhëniet me Parlamentin dhe Drejtuesi Politik i Partisë Socialiste për Diasporën, Taulant Balla, vijon takimet me përfaqësues të komunitetit shqiptar në Nju Jork. Një ditë pas takimit me shqiptarë që janë drejtues sipërmarrjesh, Balla ka ndarrë në rrjetet sociale pamje nga takimi me Erjonin, drejtues i një kompanie ndërtimi ne Harlem, në New York. Kompania e tij kontraktohet nga Bashkia NY për banesat sociale e në të janë punësuar bashkëatdhetarë.
“E pranova me shumë kureshtje ftesën e Erjonit, drejtues i një kompanie ndërtimi Harlem, New York, e cila kontraktohet nga Bashkia NY për banesat sociale. Kjo kompani ka të punësuar shumë bashkëatdhetarë duarartë me të cilët u takova.”shkruan ministri Balla në rrjetet sociale .
