Në kuadër të pasurimit të liqenit me rasat të rinj, u hodhën rreth 2 milionë të tillë në këtë sezon në liqenin e Ohrit.
Hedhja e kësaj sasie rekord në liqen tregon vëmendjen e shtuar të shtetit shqiptar për mbrojtjen dhe shtimin e kësaj specie endemike që pas hulumtimeve të bëra disa vite më parë, e klasifikuan këtë lloj të rrallë peshku si specie në rrezik zhdukjeje.
Olsi Çekiçi, specialist i qendrës se rritjes se Koranit tha se “na është premtuar nga ministria e Bujqësisë që mund të kemi edhe shtesa në kapacitetet e qendrës në Lin dhe mbështetjen e kemi pasur gjithmonë për të rritur prodhimin.
Organizimi i këtij eventi bëhet nga Bashkia Pogradec e cila për herë të parë
zhvilloi sot më 14 shtator festën e Koranit, peshkut unik të liqenit në juglindje të vendit.
Në “Festën e Koranit” u krijua atmosferë fantastike këtë paradite në Odeonin e qytetit ku nuk mungoi as panairi i gatimeve të Koranit, peshkut më unik në botë.
Korani i liqenit të Pogradecit nuk është unik vetëm në Shqipëri, por edhe në botë. Ai nuk shquhet vetëm për shijen e tij krejt ndryshe nga të gjitha varietetet e peshqve të egër të liqenit e detit, por gjithashtu edhe për vlerat e tij ushqyese. /rtsh.al/
