Kryeministri Edi Rama ka mbledhur kabinetin qeveritar dhe grupin parlamentar në një takim të posaçëm, ku në qendër të diskutimeve është ecuria e procesit të integrimit të Shqipërisë në Bashkimin Europian.
Takimi po zhvillohet në Pallati i Brigadave, ndërsa gjatë mbledhjes pritet raportimi i ministrit të Jashtëm Ferit Hoxha dhe kryenegociatores Majlinda Dhuka.
Raportimi fokusohet në zhvillimet e fundit të Kapitullit 24 të negociatave, që lidhet me drejtësinë, lirinë dhe sigurinë – një nga kapitujt kyç në rrugën drejt anëtarësimit.
Mbledhja vjen në një moment të rëndësishëm, pasi qeveria ka dorëzuar në Kuvend raportin për progresin e integrimit, ndërsa vendi pret miratimin e raportit IBAR, i cili konsiderohet vendimtar për hapjen dhe mbylljen e kapitujve të negociatave.
Procesi i integrimit mbetet një nga prioritetet kryesore të qeverisë, ndërsa ky takim synon koordinimin e mëtejshëm të institucioneve për të përshpejtuar rrugën drejt Bashkimit Europian.
