Presidenti amerikan Donald Trump ka propozuar ish-drejtorin ekzekutiv të Apple, Tim Cook, si pasuesin e Jensen Huang në krye të gjigantit teknologjik Nvidia, pas dorëheqjes së këtij të fundit mes një skandali që ka tronditur industrinë e inteligjencës artificiale.
Në një postim në rrjetin e tij social Truth Social, Trump vlerësoi punën e Huang, por deklaroi se vetëm Tim Cook mund ta zëvendësojë atë.
“Tani që drejtori ekzekutiv i Nvidia, Jensen Huang, i cili ka bërë një punë fantastike, ka dhënë dorëheqjen, ka vetëm një njeri që mund ta zëvendësojë: Tim Cook i Apple. Një legjendë zëvendëson një legjendë!”, shkroi presidenti amerikan.
Deklarata e Trump vjen pasi Huang dha dorëheqjen nga drejtimi i Nvidia, pas raportimeve për marrëdhënie jashtëmartesore, përfshirë një lidhje me një biznesmene kineze që dyshohet nga autoritetet amerikane për veprimtari spiunazhi në favor të Pekinit.
Tim Cook u largua nga posti i drejtorit ekzekutiv të Apple në shtator të këtij viti, pas 15 vitesh në drejtimin e kompanisë. Ai vijon të mbajë postin e kryetarit ekzekutiv të bordit drejtues.
Sipas Reuters, Apple dhe Cook nuk kanë dhënë ende një reagim lidhur me propozimin e presidentit amerikan.
Trump ka mbajtur marrëdhënie të afërta me drejtuesit e kompanive më të mëdha amerikane të teknologjisë, përfshirë Huang dhe Cook.
Megjithatë, propozimi i presidentit nuk përbën një vendim zyrtar. Nvidia ka emëruar përkohësisht drejtoreshën financiare Colette Kress në krye të kompanisë, ndërsa bordi po shqyrton kandidatë të brendshëm dhe të jashtëm për drejtimin e përhershëm.
Nuk ka ende ndonjë konfirmim se Tim Cook është përfshirë zyrtarisht në procesin e përzgjedhjes apo se ai është i interesuar për këtë post.
