Mes gjithë trendeve që dominuan verën e vitit 2026, një prej tyre duket se ka fituar vëmendje të veçantë falë Miranda Priestly-t dhe rikthimit të shumëpritur të “The Devil Wears Prada 2”.
Bëhet fjalë për xhaketën ekstravagante të Dries Van Noten, të mbushur me xhufka të mëdha, shumëngjyrëshe dhe detaje të punuara, të cilën Miranda Priestly e vesh në filmin e ri.
Pamja është thuajse e kundërta e minimalizmit: volum, ngjyra, teksturë dhe detaje që nuk kanë ndërmend të kalojnë pa u vënë re.
Sipas ELLE, pikërisht ky ekzagjerim po shndërrohet në një përgjigje të modës ndaj një bote gjithnjë e më digjitale, të dominuar nga Inteligjenca Artificiale, algoritmet dhe prodhimi me ritme marramendëse.
Xhufkat e mëdha dhe punimet artizanale rikthejnë në qendër diçka që teknologjia ende nuk e zëvendëson lehtë: ndjesinë e një veshjeje të krijuar nga duart e njeriut.
Dhe kush më mirë se Miranda Priestly për të dhënë sinjalin? Nëse shefja më e frikshme e modës e ka veshur, me sa duket xhufkat nuk janë më thjesht dekor. Janë trendi që kërkon të shihet nga larg.
