Kreu i Partisë Demokratike, , ka përshëndetur pjesëmarrësit në protestën e fundjavës në Tiranë, duke e cilësuar atë si një nga manifestimet më të mëdha qytetare të viteve të fundit.
Në një deklaratë për mediat, Berisha shprehu mirënjohje për shqiptarët e diasporës që udhëtuan nga vende të ndryshme të Europës dhe botës për t’iu bashkuar protestës, së bashku me qytetarët që morën pjesë në tubimin e zhvilluar në kryeqytet.
Sipas liderit demokrat, fundjava që kaloi mund të konsiderohet si “fundjava e diasporës”, ndërsa e cilësoi protestën si një akt që ka rikthyer shpresën te shqiptarët brenda dhe jashtë vendit.
“Manifestimi dhe rrethimi epik i epiqendrës së krimit është një arritje historike, e cila e bën të pashpresë sundimin e Edi Ramës dhe mafies së tij në Shqipëri”, deklaroi Berisha.
Ai theksoi se pjesëmarrja e shqiptarëve të ardhur nga diaspora tregoi, sipas tij, mbështetje të gjerë për protestën qytetare dhe kërkesat e saj politike.
Berisha vijoi me akuza të forta ndaj kryeministrit , duke pretenduar se qeverisja e tij ka nxitur emigracionin masiv dhe ka dëmtuar interesat e vendit.
Deklarata vjen pas protestës së zhvilluar në Tiranë, ku organizatorët pretenduan pjesëmarrje të lartë të qytetarëve dhe emigrantëve shqiptarë të ardhur nga vende të ndryshme.
