Lionel Messi e nisi në mënyrë spektakolare Kupën e Botës 2026, duke udhëhequr Argjentinën drejt një fitoreje të pastër 3-0 ndaj Algjerisë në ndeshjen hapëse të turneut. Kapiteni argjentinas realizoi të tre golat e takimit, duke dhuruar një tjetër performancë të jashtëzakonshme në skenën më të madhe të futbollit botëror.
Në tribunat e stadiumit në Kansas City nuk mungoi mbështetja më e rëndësishme për yllin argjentinas. Bashkëshortja e tij, Antonela Roccuzzo, së bashku me tre djemtë e çiftit, Thiago, Mateo dhe Ciro, ndoqën nga afër sfidën të veshur me fanellat e Argjentinës.
Pas përfundimit të ndeshjes, Antonela ndau disa momente familjare në rrjetet sociale, duke emocionuar ndjekësit me një mesazh të dedikuar për Messin.
“Vamoooos Argentina! Gjithmonë me ty, Leo Messi! Je i jashtëzakonshëm!”, shkroi ajo.
Reagimi i saj u përhap me shpejtësi në rrjet, ndërsa tifozët vlerësuan edhe një herë lidhjen e fortë familjare që ka shoqëruar Messin gjatë gjithë karrierës së tij.
Me këtë fitore bindëse dhe me një Messi në formë të shkëlqyer, Argjentina konfirmon ambiciet për të mbrojtur titullin kampion në Botërorin 2026.
