Një moment historik për eksplorimin hapësinor është shënuar me përfundimin me sukses të misionit Artemis II, pasi kapsula “Orion” është rikthyer në Tokë pas një udhëtimi 10-ditor rreth Hënës.
Sipas NASA, kapsula u ul në Oqeanin Paqësor pranë brigjeve të Kalifornisë në orën 17:07 me orën lokale, në atë që u cilësua si një “ulje perfekte”.
Në bord ndodheshin katër astronautë:
- Reid Wiseman
- Victor Glover
- Christina Koch
- Jeremy Hansen
Komandanti Wiseman konfirmoi se “të katër anëtarët e ekuipazhit janë në gjendje të mirë”, duke përdorur termin teknik “four green crew members”.
Ky është misioni i parë që dërgon njerëz rreth Hënës dhe i kthen ata të sigurt në Tokë që nga Apollo 17, duke shënuar një rikthim të madh të njerëzimit në eksplorimin hënor.
Gjatë rikthimit, kapsula “Orion” hyri në atmosferë me një shpejtësi rreth 40 mijë km/orë, duke përballuar temperatura ekstreme deri në 2700°C. Për disa minuta komunikimi me ekuipazhin u ndërpre për shkak të plazmës së krijuar gjatë hyrjes në atmosferë.
Pas hapjes së parashutave dhe stabilizimit në det, ekipet e marinës amerikane ndërhynë për rikuperimin e astronautëve.
Misioni Artemis Program synon rikthimin e njerëzve në Hënë dhe më tej përgatitjen e terrenit për misione drejt Marsit, duke shënuar një kapitull të ri në historinë e eksplorimit hapësinor.
