Misioni Artemis II ka shënuar një moment historik për njerëzimin, pasi astronautët e tij kanë përfunduar një fluturim rreth Hënës dhe tashmë janë në rrugën e kthimit drejt Tokës.
Ekuipazhi arriti një distancë rekord prej 252,756 milje (rreth 406,771 km) nga Toka, duke thyer rekordin e vendosur më parë nga Apollo 13.
View this post on Instagram
Gjatë misionit, astronautët përjetuan pamje që, sipas komandantit Reid Wiseman, “nuk janë parë kurrë më parë nga asnjë njeri”. Edhe piloti Victor Glover u shpreh se nuk ka “fjalë për ta përshkruar atë që panë”.
Një nga momentet më të veçanta ishte edhe një eklips total diellor i parë nga hapësira, ndërsa anija Orion kalonte pranë Hënës.
Gjatë kalimit pas anës së errët të Hënës, komunikimi me NASA u ndërpre për rreth 40 minuta, një situatë e parashikuar nga kontrolli i misionit.
Pas rikthimit të komunikimit, astronautja Christina Koch deklaroi: “Është fantastike të dëgjosh sërish Tokën”.
Ndërkohë, Donald Trump ka përgëzuar ekuipazhin për arritjen historike, duke i ftuar ata në Shtëpinë e Bardhë pas përfundimit të misionit.
Astronautët pritet të kthehen në Tokë brenda disa ditësh, me uljen në Oqeanin Paqësor të planifikuar në brigjet perëndimore të SHBA-së.
Ky mision konsiderohet një hap i madh drejt rikthimit të njerëzimit në Hënë dhe më tej, drejt eksplorimit të Marsit.
